Zomi Sabbath School Lesson: April 2015

Friday, April 10, 2015

Sinna 2. Kituiphumna leh Zeetnate

Monday, April 6, 2015

MN-Kuata Nihna-2015

April 4 : Pancake Moh Bawl PawlPi
April 11 : Suahtak Na Lam Ah Khual Zin Na
April 18: Laisuan a Tawi Mipa
April 25: A ZeKai VanTung Mi
May 2: KhauhTak Aa Ding Tang
May 9 : Sum Sang Aman Pha Zaw
May 16 : SihNa Pan NunTak Na ThakAh
May 23: LamEt Loh Pi Pasian Tawh KiMu Kha
May 30 : LeiNuai KiPhum LaiSiangTho
June 6: LungNop Na Zong ( Khen khat na )
June 13: LungNop Na Zong ( Khen nih na )
June 20 : AThak NunTak Na
SABBATH 13 NA

A kihel ding te leh gamlim : A nung pan thu omzia pulak ding mi 2 le thugen ding khangno 6, naupang no 6, lan tawi in stage tung ah kah to ding in gamdang tang thu gen nang mun te ah lan tawh limcing in lak khia ding hi. Thugen ding te in lot ngah kul lo aa, a tel ding un sim ding in amau tel bang in lai en loin gen khia ding. Northen Asia Pacific Division gamlim lianpi bawl in tua tawh gen ding

Thu om zia gen ding 1 na : Northen Asia Pacific Division ah gam 6 ki hel in Pasian ong piak nasep a kiman theih nang in gam khat ciat in I sep ding ( tona ) khat ciat nei uh hi.

Thu om zia gen ding 2 na : naupang no khat na in Sengam lan ( flag ) tawi in pulpit mai ah ong pai phei ding aa, a ki gam lat na ahoih bek khat ah ding ding hi.) Sengam I cih pen leitung ah mitam pen na mun hi in awn tul khat le zali bang pha uh aa, leitung bup gam kim ah kizel uh hi. Ahih hang in Adventist teng li bek pha in gam mi khat ciang in Adventist thu um mi tul thum le zali tawh kikim pan hi. Hih gam lianpi huam in nasep meivak a tang sak ding in hih naupang te Pasian in ong zang ta hen.

Thu om zia gen ding 1 na: ( naupang 2 in Japan gam lan ( flag )tawi in pulpit mai ong kan tan phei in lantawi naupang no khat na zom in ong ki gual ding hi. ) Japan gam in hau in van tuamtuam khangto hi. Ahih hang in a tamzaw in Zeisu za ngei nai lo uh hi. Japan gam ah Adventist thu um mi 15000 om a gam mi khat ciangin Adventist 8300 tawh ki kim hi. Thu um mite atam zaw u ham vive hi uh aa, mi tawm kha bek kum sim in ki tui phum hi. Pawl pi mi thak pen mundang pan aa ong pem thak te kiang pan tam pen hi. Japan gam aa ong lal te leh gam mi ahi te tung ah aki bang in Pasian thu a ki puak zawh nang in Pasian kiang thungen ni.

Thu om zia gen ding 2 na : ( Naupang 3 na in Mongolia lan ( flag) tawi kawm sa in pulpit mai ah ong pai (kan tan ) ding aa, amasa alawm te zom ah ong ki gual ding hi.) Mongolia ah thu um masa pen te tuma kum 20 lai in ki tuiphum uh hi. Thu um mi khangno 1600 te in midang te kiang ah a upna uh gen ding lawp mahmah uh hi. Leitung bup ah ngei na lui pen tawh akidiah laigam ahi hi. Khangno te in upna thahat tak in khangto in apawlpi makai te a suah theih nang un thunget sak ni.

Thu om zia gen ding 1 na : ( naupang no 4 na in North Korea lan ( flag ) tawi kawm sa in pulpit mai ong kan tan phei in a lawm te nung ah ong ki gual ding hi.) Nort Korea ah thu um mi bang zah omcih kua mah in thei lo hi. Ahih hang hih a ki khak cip gam pan a lai sim thei tawm no cik te in lamet na ding a hong pia thei uh hi. North Korea kong pi ki hong in kha lam gilkial lungtang tam pi in thuman lungdam na thu asan theih na ding in thunget sak ni.

Thu om zia gen ding 2 na : ( naupang 5 na in south Korea lan ( flag ) ong pua in pulpit mai ah ong pai phei ding aa a lawm te nungah ong ki gual ding hi.) Northen Asia Pacific Division ah South Korea in Khristian tam na pen gam ahihi. Gam mi ii seh thum suah seh khat in Khristian hi na pi in mi 250 ciang in Adventist khat ki hel zo pan hi. Adventist te in nasia tak in hanciam ta leh mite in amau te tel khial uh hi. South Korea a om ih sang gam te aa ding in thu nget sak ni.

Thu om zia gen 1 na : ( naupang no 6 na in Taiwan lan ( flag ) ong tawi in ong pai ding hi.) Taiwan in Sengam ii tuikulh ah om hi. Adventist a tamzaw in khua ta pan ong khang khia minam neu te ahi uh hi. Taiwan mi 2500 ciang in Adventist khat ki hel zo pan hi. Pasian theih ding a kisam Taiwan mi awn tampi Pasian lawm aa ngah in lungsim ki pia mi tampi a om nang in thunget sak ni.

Thu om zia gen ding 2 na : Tuni Sabbath 13 na sumpi in Northen Asia Pacific sung a om ih sanggam te khut ma khel sak ding aa, midang te Zeisu kiang a puak nang un vanzat tampi tawh ki huh ding hi. Thu um mite zong thapiak na ki nei ding hi.

Khangno thugen 1 na : ( Japan lan a tawi naupang pa a lan tawh ong pai in a tawi alan sang lap to ding hi.) Japan gam aa ong pem minam te tung lungdam na thu a ki zelh theih na ding in thugen na inn lianpi khat ki lam ding hi.

Khangno thugen 2 na : ( Mongolia gam lan a tawi naupang no amai ah ong kah to in a tawi alan sang lap to ding hi) Lai sin nang sang khan 4 ki beh lap ding aa, Mongolia khuapi ah Adventist sang ah laibu saal inn khat ki lam ding hi. Hih sang in innkuan tampi pawlpi tawh ong ki zom sak hi.

Khangno thugen 3 na: ( Korea lan tawi naupang in a tawi lan sang lapto in amai lam ah ong pai ding hi. ) Sabbath 13 na sumpi khen khat tawh khang no te tentan piak nang innpi khat ki lam ding hi. “ Pancake pawlpi” in khangno te pantah in mun tuamtuam ah Pasian na asep theih nang in ki panpih ding hi.

Khangno thugen 4 na : ( Taiwan lan atawi naupang in alan sang khai in a mai ah kalsuan to ding hi) Hih mun ah a muibun pen Pasian nasep na in mite tung huzap a nei pawlpi te tawh mite tung Pasian thu ki hawm khia thei hi. Sabbath 13 na sumpi in uham pitek putek kep nang leh cidam na tawh kisai pilsin na a ding in ki zek ding hi.

Khangno thugen 5 na : ( Sen lan a tawi naupang in a lan tawi sang lap in ong pai ding hi) Adventist khat zong a om loh na Sengamkhua pi 18 ah pawlpi phut ding leitung bup Pasian nasem sangmang tampi ki puak hi. Sabbath 13 na sumpi khenkhat tawh hih khuapi 18 khat sim ah kikhop theih nang inn khat ciat ki leisak ding aa, biakinn ah kizang in, khangno te tentan piak nang in zong ki zang ding hi.

Khangno thugen 6 na: (North Korea lan atawi naupang no in alan sang tawi in ong pai ding hi) North Korea gam ah Khristian bangzah om cih I thei kei a tawmno cik omcih ciang in I thei thei bek hi. Tualak ah Adventist pawlpi mi zong om hi. Nuntakna hamsa in Pasian in a maute kem in thupha pia in tapidaw biak na gamdang biak na hici aa, kinawl khin nagam aa ding in thunget sak ni.

Thuom zia gen 1 na: Thunget sak na le sumpi piak khiat na tawh Northen Asia Pacific Division sung a om mite tung huh na kipia thei hi. Amau up nate nasia tak in a hopsawn theih nang in South Korea a om khangno tampi in ki lam dan na tampi nei ding uh hi. ( Korea gam lim kawk in) Hih ih sumpi khiat in Japan gam ah apem te aa ding in ( Japan gam mt. Fuji gamlim tawi in ) tampi nasem ding aa, Mongolia gam Adventist sang ah akah khangno te ( Alaanbaata, Mongolia gam lim kawk in huh na ki pia in Sen minam tampi in thupha ngah in huzap tampi a pia khia thei ding innpi khat ki lam ding aa, Taiwan gam ( Taiwan gam lim kawt in) Adventist biakinn lam nang in huh na kipia ding hi. Tuni in Northen Asia Pacific sung aa om pawlpi mite in Pasian itna thu a hawpsawn theih nang in ei lampan i hih theih zahzah in ahoih pen in ki ap ni.

June 20 : AThak NunTak Na

Lai at : Lee, Fong Lan ( Taiwan gam pan )

Nikhat ni TV line te en in ka mit ong la mahmah khat om hi. TV pan tangko nate uk lo in ka en ngei kei zaw hi. Ahih hang hih a TV line khat in ka mit ong la mahmah hi. Pasal khat in cidam na tawh ki sai nuntak zia ding ong gen in cidam na tawh kisai thugel nate “ NEWSTART” a cih program ah zon ding in ong vai khak hi. Ka nu’n hih hun gel na deih pah ding hi cih ka thei pah hi. Nung deuh mah a cancer natna hang in munnih tak ki at khin aa, cidam na tawh ki tuak in nungta nuam lua hi. TV tung aa ong ki lang khia phone nambat ka mek leh Taiwan Adventist Hospital tawh ka kizom hi. NEWSTART program ah ki hel ding in ka nu mih le kei min ka pia pah hi.

Program sung aa cidam na thute ka ki sap vive ahih lam ka mu aa, an nek zia , tha neih nang ,exercise le thunget na cih te zong ki hel hi. Kal nih khit ciang in ka nuntak na abup pi in ki khel hi. Tha nei zaw thahat zaw tham pek ka hih lam ka kiphawk hi. Ahih hang in nasia tak in ka nu ong nop tuam mel lo hi. A ci ong nak nat pian in a nuntak na a bei ding in ka ngaih sun hi. A nuntak na anuam zaw aa apiang sak thei kikhel ding te nial in “ kei tek ta ingh, tua dan in tampi vei sem khin ingh, tun banghang kikhel pan phing ding ka hiam? ci hi.

Nuntak na tawh etteh tak cing aa lak khia

NEWSTART program ah akah kote pen a tam zaw Khristian ka hi kei uh hi. Ko te in pi le pute bia in pasian tuam tuam te ka bia uh hi. Ahih hang in Khristian thu um mi thum zong ki hel ahih lam ka phawk hi. Amau te limtak in ka en cik den hi. Amau te lung nuam in lungdam den uh ahih lam ka phawk hi. NEWSTART a nasem te in lungnop na ong guan uh hi. Khasum zong tampi ngah het lo na pi in a nasep na uh ah citak tak in ki ap ngiat uh hi. Amau te gamtat hoih nate in ka lungsim ong huzap mahmah hi. Khristian te neih lungnop na kei zong ka deih hi. Ka nu zong tua lungnop na a ciam ding in ka deih hi. Ka nu in Pasian thu atheih ding deih ka hih man in kei mahmah in Pasian thu sin ding ka khensat hi.

Athak ki patna

Khristian te Pasian ka tel theih na ding in ka khan sung aa om Khristian numei nu khat tungah huhna ka ngen hi. Ka nih un laisiang tho thu sin ka kipan uh aa, a sawt lo in vantung Pasian a nungta le amaan Pasian ahih na ka thei hi. Milim biak na in ngei nate biak na zuih na tawh ki lam dan na neilo ahih loh lam ka thei hi. Ko biak pasian in ko aa ding in bang mah ong sep sak thei lo ahih lam ka thei hi. Tua pasian te in ka mailam aa ding lamet na ong pia thei lo hi.

Khristian te Pasian in a vanglian Pasian bek hilo in, hehpih na nei Pasian mite a lainat a it Pasian ahih lam ka thei aa lamdang lua kasa hi. A tapa Zeisu tung tawn in nuntak na ong pia aa lamet na ong guan hi. Thu sin tektek, um tektek ka hih man in Khristian ka suah ong kul ta hi. Adventist Khristian ka ut hi . Ka nu a ci nak nat lua in Adventist te ki tuiphum pawi ah ka lawm le kapa ong ki hel ding in kasam hi. Amau te in a telloh uh hang in ka khensat na ong panpih uh hi.

Kanu khensat na

Pasian tung a nuntak na apia khia ding in ka nu tawh kam tampi ka ki kum uh hi. Ahih hang in amah ut lo hi. A cancer nat na ong suak kik in asawt lo in si ding in ki um mawh hi. Ka nu hun bit in ka kem aa, a nek ding an hoih , nisim in nitang ah pho in apai zawh loh ciang in innpua ah lamsiuh pih cih te ka hih pih den hi. Ahih hang in acancer te nasia khin lua in a tha ong kiam tektekta hi. Nikhat ni nasa lua in a tau laitak na lup na gei ah khukdin in thu ka ngen hi. Sawt pi ong nuntakpih nawn lo ding cih ka thei aa, ka nu a tawntung aa sumh ( nu neinawn lo) ding cih ka ut kei hi. Ka nu lungtang khasiang tho Pasian in ong lawn sak nang thu ka ngen hi. Ka thunget man nai lo pi in ka nu in “ tuni bang ni hiam?” ong ci in kei zong “ ni li ni hi.” Ci in ka dawng hi. Ka nu in kigin ni teh ka ki tuiphum nuam hi ci in ong gen aa, ka thu zak aman mah hiam? ci in khawl in ka ngaih sun hi. Pasian in ka thunget na ong pia pah maw le? Ci in ka ngaih sun hi.

Ka nu tawh ni nih sung Pasian thu le ong it nate kikum in kigin ni ciang in lengsawn te in ka nu zato ah paipih in tua lai ah ka nu in anuntak na lui khempeuh tui sungah phum in Pasian aa ding in a thak nuntak na tawh ki ap hi. Zatui lam tawh Pasian nasem ding in ka ki ap aa ka ki thuah pih mikim tung ah Ama ong it na te tetti pang in ka gen hi. Ka nu in tuzawh kha khat khit teh ong ciah san in lungdam na khitui le dah na khitui luang khawm hi. Amah tawh thawh kik ni zing sang teh ki mu ding ci in lamet na ka nei hi.

Nasep thak

Ka nu ong nusiat khit ciang in zatui lam tawh nasep ka kipan aa kei ong huh ahi NEWSTART thu khun te mi tampi tel theih ding in ka huh hi. Mite inn ah pai in cidam na thu tawh kisai dot nate ka dawng hi. Laisiang tho a sin nuam te zong ka sin sak hi. Kei pen sum lalo aa aki pum piak nasem nu ka hihi. Ka ngah pen mite nuntak na ki khel na ding in Pasian in kei ong zat lungnop na pen kei kha sum hi.

Ka pa in NEWSTART phuaih te lak ah kihel in ka lawm pa in tua thukhun te zui hi. Pound 30 bang agih na a kiam zo hi. Ka lawm pa leh ka pa cidam na ding annek ding, exercise la ding, nitang ah ki pho ding, huih siangtho dik ding le Pasian muang ding in tha ka pia hi. Nikhat ni teh amau te gel in Zeisu Honpa le Gum pa in ong sang ding in ka lamen hi.

June 13: LungNop Na Zong ( Khen nih na )

Lai at : Tan Yuen

Lungduai tak in Pastor Xo in laisiangtho sim in Tan tawh thungen hi. Tan in zong Pasian in amah thu man alah nang in thungen hi. Dam dam in Pasian in Tan lungsim hon sak in laisiang tho tung pan in a sin thu te sang thei ta hi. Tan om suak in Pastor Xo tawh kha 7 sung thusin khawm uh hi. Tua hun sung in amah ki tuiphum aa, Pasian aa ding in hunbit sia ding in kipia khia hi. Tua kim nai a om thu um mi pawlkhat om hi.

Lamdang sak huai khat

Nikhat kong ong ki kiu in Tan in ahon leh Tao konggei ah ding in na om hi. “Nang kong zon loh phamawh ei na Pasian thei nuam ing ei “ ci in Tao in gen hi. Lamdang sa in Tan in amah sam in khuapi sung aa mi gilo lak pan aa makai pa uh mitawh ki lai in tuapan khuapi nusia aa ong pai khiat zawh nithum khit ciang in Tao in Pasian thusin na kipan hi. Khangno pa mi gilo lak pan in suakta in, ahih hang in a zing ciang in mi khat in mi gilo makai pa in a mah thah ding in zong a hih lam ong zasak hi. Tao nu in lau ahih man in khuapi nusia in tai ding in a kun hi.

Paikhia ding aa a ki thawi le avan lak ah Tan piak laisiang tho neu mu hi. Aman tua laisiang tho tawm in hong lem aa, Matthew 6 sung hong lemkha hi. Tao zong laisim kipan in “ Bang ci nuntak ding cih lung hi mawh ken Pasian gam zong masa in….zingciang aa ding lung hi mawh kei in..”cih laisiang tho mun ong sim hi. Tao in Tan lungnop na te phawk in Tan in Pasian a theih bang in aman zong thei nuam hi. Tua ahih man in alawm Khristian te zonding in khensat hi.

Migilo ki pawl napan Pasian kiangah

Tan in Tao pen Pastor Xo kiang ah pulak in Tao aa ding in Pastor Xo in nasep zon sak hi. Nitak lam ciang in anih un laisiang tho sin khawm uh hi. Tao in thuman a sinte ciam teh in pom thei ahih man in Zeisu ama Honpa le Gum pa in sang in ki tuiphum hi. Tu in Tao a lungsim meibang in kuang in nasem sia khat ahih ding ut aa, midang te Zeisu kiangh ah puak nuam hi.

Inn ciah ding khensat in khua a om mite kiang ah a upna thak hawm sawn nuam hi. Ama sa bel apian thak sak nop pen a nu ahihi. A nu’n a tapa sung ah ki khel na zaitak in mu hi. Ahih hang in mitawm cik bek in ama thugente lunglut hi. Tao nu in a tapa hi bang in khua ah sawt om leh migi lo te tawh kizop kik ding lau hi. Tua ahih man in a nu’n amah khuapi ah paikik aa laisiang tho a sin zom suak ding in ngen hi. Ahih hang in in Tao in tel gen aa Zeisu in a nuntak na bup a tawntung aa ding in khel sak ahih lam gen hi.

Tuazawh tawl khat khit teh Tao khuapi ah ciah kik in thusin na zom suak hi. Tu aa a nuntak na in Pasian hehpih na hang bek tawh nungta ahih lam aman thei aa, a biak Pasian aa ding in hehpih na tawh nung ta nuam hi. Pasian in a nuntak na uh makaih in sengam leitaw lam a om midang te kiangah aup nate uh tetti pang in pawlpi kem sia sem thei uh ahih man in Tan le Tao in Pasian tung ah lungdam ko uh hi.

Tu kua ta in Pasian tung ah sumpi pawlkhat in Sengam khuapi pawlkhat ah biakinn lam nang in ki zek ding hi. Hi bang hunpha te sung ah sumpi tawh phaltak in ong panpih ding na hih man in lungdam kong ko hi.

June 6: LungNop Na Zong ( Khen khat na )

Lai at : Tan Yuen – Sengam pan

Tan in Sengam nitum na lam aa om khuapi neu khat pan aa khang khia hi. Mi tawh aki ho ding hak sa sa mahmah aa amah kia bek a om lel mi khat hi. Biak na pen tangtat vai sa aa, ahih hang in khalam tawh kisai lunggulh na ciang khat nei hi. Lungnop na zong ding in khalam khualzin na khat ong ki pan khia hi. Khua tawh ki gamla khua pi khat ah khual zin in tua lai ah, amah laisiang tho bu a lak Pastor pa khat tawh ki mu hi. Ni tampi sung laisiang thu sin khawm aa, Tan in laisiang tho sim in Pasian bia hi. A lungsim a su kha hih a zen thugui pi ah a ki ap ma in agamla pek ah khual zin ding in khen sat hi. Tua zawh kha nih khit ciang in Tan ciah kik in, Pasian thu a thuk zaw in sin nuam hi. Pastor pa in Tan aa ding nasep zon sak in, anih un laisiantho sin khawm uh hi. Tu in Tan a lungsim su kha aa Khristian suah ding a lungsim sung ah ong khensat hi.

Tu in Tan in Pasian aa ding in nasem nuam hi. Khuapi tawh ki gamlat na ah a kikhop na aa a thusin te ciam teh in tua mun ah pai ding in khensat hi. Sum tawm atha lawh khit ciang in meileng tuang in atampi akhe tawh pai in khual zin khia hi. A tun nop na mun a tundong khakhat sawt in pai hi. Tan pen khuapi sung ah sawt pi om in, Khristian dang te tawh nasem khawm hi. Tua khit ciang in a innkuan pih te, alawm te tung ah lungdam na thupuak gen ding in a ten na inn lam ah ciah ding in khen sat hi.

Inn ah muak na ngah lo

A khua uh atun ciang in a upna hawmding ki pan hi. Ahih hang in akhua pih te in za nuam mel lo uh hi. Pawl khat te in nial in, pawl khat te in ciamnuih bawl uh hi. Tan in antang in thungen hi. “ Pasian aw nang lo adang hiah kua in ka thum na ong za ding hiam? “ ci in thungen hi. Tan in khua tual gilo pa Tao Yeh longal kua mah mulo hi. Tao Yeh in khua sung mi gilo te lak ah ki hel hi. Ama lawm te 4 thong kia in adang te ki tot na sung ah thah na thuak uh hi. Tao in mi gilo, zu ne in minthang ta leh Tan in amah tawh kam ki ho in ama kha lam din mun thei sak in thunget sak hi. Ahih hang in Tao in nuih san in” Pasian ka ki sap leh ong zasak ning ee Tan “ ci in gen hi.

Thungen ding hah sawl

Tan in kua mah in ka thugen ong ngai lo ding hi ci in ngaih sun hi. Khuapi nusia in laisiang tho kasin pih thei ding thu um mi pawlkhat zon khiat ding in khensat hi. Tua bang in angaih sut laitak in Tao in amah mu aa, ama nung ah lam ong siau suk a hih lam mu hi. Anih un khuapi lamziik pi ah lam ong siau khawm in Toa aa ding in thunget sak ding in Tan lungsung ah sawlna ngah hi. Tan in thunget sak ding aa, a nget te nial na pi’n a tawp na ah thu kim uh hi.Lampai kim lai pi mah in din khawl in Tan in thungen hi.

A kikhen ma un Tan in Tao laisiang tho bu neu khat pia hi. Aman tua laisiang tho sim ding in Tan in lamen hi. Khat leh khat mangpha ki khak uh hi. Tan in Tao tawh ka ki mu kik lai tam maw? Ahih kei leh mi gilo te ki tawng in ong sih san mai tam maw? Ci in ngaih sun hi. Tan in Khristian upna tawh a gamtang te om na khuapi ah pai hi. Tua khuapi a tun ciang in a om na ah a ciah kik ding in sawl na ngah aa, a ciah kik le mat thuak ding in thu ki zasak hi. Tan in a ciah kik na ding meileng letmat a lei khit hang in a zak Khristian te hanciam tak a zon khiat ding in khen sat hi.

Ama’n gam lim khat nei aa, a mun zon ding kipan hi. Adventist biakinn khat mu in tua ah khangno tampi te amakaih Pastor Xo tawh kimu hi. Pastor Xo in amah laisiangtho thu sin ding in a taam suak ding in sam aa, Tan lungdam mahmah hi. Tan in sawt pi taam ding in nget na aneih loh hang in kuamah in inn ciah kik ding in sawl lo ahih man in taam suak hi. Amah leh Upa makai te tawh laisiang tho thu a sin tungtawng in Tan in Pasian thu athak tampi sin hi. Sabbath thu za ngei aa, ahih hang in Sunday ni pen Sabbath ni sa kha hi. Khristian dang te in Sunday ni in ki khawm uh aa, bang hang in hih mite Sani ni in ki khawm uh hiam? hih thu te lung hi mawh tak insin beh nuam lai hi. ( Mai ni pi ah a zom )

May 30 : LeiNuai KiPhum LaiSiangTho

Lai at : Pastor Wang Weo ( Sen gam pan)

Sengam tawh kisai ki gal neih hun sung teng laisiang tho neih ding lau huai lua mahmah hi. Laisiangtho bu ngah nang hamsa mahmah ahih man in hih mipa in ahi thei bang in mitampi te kiang laisiang tho thu hawm nuam hi. Tua ahihman in laisiang tho bu pen a daldal in eu khia in Adventist innkuan om na mun tuamtuam te ah hawm khia hi. Tua khit zawh a sawt lo in mikhat in laisiang tho bu neu khat palastic sung ah guang in leisung ah ong phum hi. A mit hoih lo ahih man in tua pan in tua laisiangtho sim thei lo hi. Tua hih man in kum 18 ka phak ciang in tua laisiang tho kei ong pia in ka dip bang ong kua liang hi. Ka khut sung ah laisiang tho ka tawi masak pen ong hihi.

Aman pha letsong khat

Hih leisung kiphum laisiang tho in kei aa ding in manpha mahmah hi. A kipat pan a tawp dong sawm (10) vei ka sim hi. Laisiang tho sim na tawh ka hun tam pi te ka bei sak aa thupi kasak deuh nate ciamteh in ka ngaihsut nate lai ah ka at khia hi. Kaneu lai aa ka pi in Noah tang thu ong gen te ka phawk kik hi. Tun kum 18 pha in amasa pen tuiciin tun na thu ka sim na ahihi. Laisiang tho ka sim kawm in Zeisu le Ama thuhilh nate ka sin hi. Laisiangtho thuman ka mukhia aa sim tektek, lunglut tektek in ka om hi. Tua zawh kum nih khit ciang in laisiangtho thei ngei lo nei ngei lo khuapi te ah ka zin khia hi. Inn tuamtuam te ah thuhilh ding in ong ki sam aa ka laisiang tho bu neu lakhia in ka sin thute ka hilh sawn hi.

Thuman laisiangtho te ka gen laitak in khangno pawl khat in lunglut uh ahih lam ka thei hi. Lunglut lua uh ahih man in laisiang tho mun mun 1000 val at khia in tua khangno te ka pia aa, amau te in lot ngah uh hi. Laisiang tho sin na ding lampi hoih bel hi cih ka thei hi.

Tawlkhat sung kangak kawmsa in

1990 kum pan in biakna suahtak na ngah in tu in Sengam ah Adventist pawlpi mi tawm cik om ta hi. Biakinn khat pen van ki thoh khiat na setzung gei khat ah om hi. Tua setzung nei pen in Adventist lawm khat nei hi. Nikhat ni upna tawh kisai thu ong suak in Adventist pa in laisiang tho sung a Pasian a up na thute ong gen to aa, Adventist pawlpi mi in a ma aa ding bang zah man nei cih te ong gen to hi. Tua mihau nu zong a lungsim ong sukha in alawm nu kiang ah nang pawlpi hoih nei cia, na up na in mite tampi huh zo hi, ka nasem te kiang nong gen nuam ding hiam? ci in ong dong hi. Adventist nu in tua sap na ngaih sun in a hihhang in patau sim tham hi. A nasem khempeuh thu um mi hilo ding aa dawi bia mite zong ki hel ding cih ngaihsun hi. Anung ciang mihau nu kiang ong lengla kik in” Hei a bang kong ngak na sawt mahmah bang dia mi khat bek ong puak lo na hiam? pawlpi miten hih pen hun hoih hun pha khat ahih lam thei uh aa Pastor pa thei sak uh hi.

Setzung ah Pastor pa ong tun ciang in, setzung nei nu mihau nu in makaite sam in kikhop na nei uh hi. Pastor pa in Zeisu le a thuhilh te gen in hoih tak in kisang hi. “Hih pen thuman pha hilo maw I nasem te zong a pha zaw nuntak pih thei ding uh hilo maw “ ci in ama kiang ah gen hi. Bang hang ka nasep na phual ah ong pai aa, nasem te kiang gen loding na hiam?

Setzung pi ah Pasian nasep na

Nimit ding seh in Pastor pa inn lam ciah phot hi. Setzung pi aa nasem mi 60 kikhop na ah ong pai uh aa thu ki gen te lunglut uh hi. Setzung nei nu in nasem te kiang thugen ding in Pastor pa kal nih khat vei sam hi. (6) vei thu a gen khit ciang in setzung nasem mi 30 in Zeisu Honpa le Gumpa in ong sang uh hi. December kha in Adventist pawlpi in setzung nasem ni ( 200 ) aa ding pawlpi khat bawl sak hi. Setzung nei nu in a kim apam aa om company te zong ong ki hel na ding in sam hi. Amau te aom khop uh ciang in a kim a pam aa om company te in setzung aa nasem te ki lamdan nate gen uh hi.

“ Nasem te in Pasian a up khit aa kipan amau te nuntak na hoih lua” ci in mihau nu kiang gen uh hi. “ Kote zong tua mah bang in ka nuntak na ahoih ding ka ut uh hi ci in ong gen lai uh hi. Tu in Pastor pa in adang setzung aa te tawh Pasian thugen ki khop na Sunday ni simin neih pih hi. Khristmas pawi ciang in mihau nu in Adventist biakinn ah ong pai in, an nek pawi ah aki hel ding in sam hi. Aman zong a nasem te mi (30) tawh ki tuihphum na nei ding in gel na nei hi.

May 23: LamEt Loh Pi Pasian Tawh KiMu Kha

Lai at : Tang Yue le Zhang Wei

Kum guk apha a tapa akhut ah len in Tang Yue in thuthak piang ding cih lamet nei lo sa in a inngei ah sumbuk sai ah pai hi. Pasian tawh ki tuak kha ding cih tawm kha theih nei dan tawh kibang hi. Tang Yue in Pasian um in Sunday ni in midang Khristian te tawh ki mu in sumbuk sai ah aa tut laitak in na khat kisam dan in ngaihsut na ding ong lut hi. Lampi ah apai suk kawm in mi nih in ama kiang ong naih in din khawl uh hi. Sunday ni nipi aa na tan pen laisiangtho ah om lo ahih lam na thei hiam? ci in mi khat in dong hi. Laisiang tho bu sang tawi in lamdang a sa Tang Yue ni 7 ni Sabbath thu om na laisiangtho mun lak hi. A mah le amah ki mu sak in , adang mipa khat in ni 7 ni bang ni hiam cih internet ah zong in ci in sawl hi. Zeisu hih leitung ah ong kum suk aa, ni 7 ni tang pawlpi in Pasian pawlpi taktak hi cih gen in a thugen khup bawl hi. Mihon pi te manlang in ong pai uh aa, tua mi nih tegel zong mihon lak ah mang ziau hi.

Pawlpi zong

Hih mi lamdang nih tawh ki muh khat ki tuah khak na thulam dang sa in Tang Yue inn ciah in internet pan mi lamdang nih te gen te zong hi. Sen gam pan in internet sung ah ni 7 ni in Pasian nipi ni amaan ahih lam internet pan mu khia hi. Tua website ah laisiang tho sin na zong om pah hi. Seventhday Adventist neih website ahih lam thei in a om na gei nai tengah biakinn a om hiam? ci in dong hi. Tawlkhat a zon khit ciang in Tang Yue in Adventist biakinn mu ahih man in nuam mah mah hi. Hih pawlpi tawh ki sai in a tuam dang diak na ah om, biakinn zong ding in pai khia hi. Milam dang nih a muh na lampi tawn in tua mi lamdang nih a mu kha kik ding kisa hi. Ahih hang in tua mi lamdang nih te cik mah hun in mu kha kik nawn lo hi.

Tang Yue in Adventist biakinn ah pai den in khalam inn muta in kingaih sun hi. “ Hih pawlpi in laisiang tho hilh bang in hilh uh hi “ ci in Tang Yue in gen hi. Pawlpi dang te tawh ki lamdang lua hi. Adventist te up na leh thuhilh nate in thuman thutak hicih ka um hi. Zeisu asawt lo in ong pai ding hi” ci in Tang Yue in gen aa Seventhday Adventist te biakinn ah hi Sengam laizang aa om biakin inn khan ah manman in ki khawm hi.

Zhang Wei ii tuah khak pawlpi

Zhang Wei in mi mawkmawk hilo hi. Sen galkap sung ah hoihtak in a sem, mite zahtak khat hi in, amau khua uk pa ahihi. Innlam natawh sum tampi a ngah theih na ding mun khuapi ah ong lal uh hi. Ni khat ni lamzik pi ah lamsiau aa ong pai laitak in bang hiam khat in a lungsim ong la peuh mah hi. Innpi nuai aa kitum Music gin ngaih za hi. Tawlet damtak in hong khia in lasa mi honpi te mu hi. Asawt lo in innpi sung pan mikhat ong pai khia in Zhang Wei pen innpi sung lut ding in ong zawn hi. Biakinn sung gamdai khipkhep ta le theih nopna lungsim lianpi khat tawh Zhang Wei zong Adventist biakinn sung ah ong tu suk hi. Mi tampi in laisiang tho nei uh ahih lam thei in amuhngei loh hih laibu Zhang Wei in ong mu nuam mah mah hi. Lungdam tak in Adventsit pawlpi mite in Zhang Wei tawh laisiangtho thuki kum khawm in thu ong ngen khawm uh hi.

Zhang Wei Adventist biakinn ah ongki khawm zel hi. Ni khat cidam na tawh ki sai camp ki bawl in tua ah annek zia zong ki hel hi. Laisiang tho sung aa sa siang le sa siang lo ki kup na aa vok sa pen Adventist pawlpi te in siang lo hi a gilzang sung ah lungno tampi om hi ci in Zhang Wei ong gen uh hi. Adventist te gen manlo thei ding a hih man in ci in Zhang Wei in voksa tawh kisai kan tel na neih ding ong khen sat hi.

Voksa sittel na

Zhang Wei bang in mitampi in inn lam na ah nasem tek uh hi. Innlam na sep te nek ding company in voksa lei den uh hi. Nikhat ni voksa ki ngah ahih lam Menu tung ah Zhang Wei in mu in gamdai tak in voksa ki koih na ah pai in sa siang lo hi takpi ding hiam ci in va sittel hi. Kua mah in en lo ahih man in vok sa tawm ong eu in la hi. Vok lu pan akhe cin dong ah lungno te pai kawikawi mu hi. Ki gaih liang in tua aa kipan voksa ne nawn lo in ki tuiphum hi. A ki tuiphum khit ciang in amah kia bek tawh Adventist pawlpi phuan khia hi. Midang te tawh laisiang tho mun te sin khawm in pawlpi khang to mah mah hi. Tu in a maa ii tetti pan na ii vangliat na hang in gamveng khuam thum ah pawlpi khat om ta hi.

Tu kuata Sabbath 13 na sum pi khen khat tawh Sengam ah pawlpi kiphuh na ding in ki zek ding hi. Phal na tak pi tawh nong piak khiat na ding un lungdam kong ko hi.

May 16 : SihNa Pan NunTak Na ThakAh

Lai at : Masaaki ( Japan pan )

Misi luang sil nasep sem ka hihman in Japan gam ah nisim in misi om ci in sihvui na le han te ah nasem in ka buai den hi. Kum tampi sung sih na hang a adah akap te leh asi sa te lungnuam tak aa suahtak na ngah aa a pai theih nang un thupha piak na, biak na tawh kisai hunbawl na tuamtuamte ka en den hi.

Kha te kihta (lau)

Japan gam in leitung nopsak na tawh kidim in thunget sak na tawh a sisa pi leh pute pahtawi na ki nei in, kithoih kipai na tuamtuam te ki nei hi. Mi atam zaw in thakhat thu in a tun na ding mun uh tung pah lo in kaal 7 sung a kha uh a inn vuah om lai hi cih um uh hi. Tua hun sung a sisa kha te in mawhsak na a thuak khak ding uh lau in kua mahin inn lawi ngam lo uh hi. Tua hunsung teng in innkuan pih te in a sisa te akha uh gam nuam a tuntheih nang in biakpiak na tuamtuam bawl uh hi. Gam nuam a tun theih nang in mihing, ganhing a hih kei leh lungno khat peuh zuak in a nuntak nang un midang te tung ah bel kik hi cih up na nei uh hi. Mi atam zaw in vantung gam a tan nang un a tawp khak na ah na hoih asepma in din khawl zel uh hi.

Sihkhit ciang koi lam ah

Biak na tuamtuam te sihvui biakpiak na tuamtuam te ka en aa, atam zaw sihvui hunbawl na ah dahna kah na lianpi te om in ahihhang Khristian te dah na ah hehnep na le lamet na amau te aa ding om lai ahih lam ka phawk hi. Asi sa a it te uh tawh khatvei ki mukik ding cih up na nei uh hi. A tamzaw mite in tua bang lamet na nei lo uh hi. Ka neu aa kipan ka khan pih up nate leh Khristian te upna ki lamdan nate nak pi in ka kan kik hi. Khristian te in sih na pan Pasian sung ah upna tawh do do uh hi. Amau te ii Pasor pa in a dah akap te hehnem in amau te a ding in lamet na om lai ahih nate gen in thapia hi.

Nikhat Adventist biakinn sung ah sihvui ding khat ka makaih aa, sep ding teng ka sep khitteh kei bek biakinn sung ah ka tu hi. Lungnop na in kei tung ah puan bang in ong tuam in, tuihual pi in ong vat tum mang dektak hun le a lipkhap huai tuahsiat nate ka ngaihsun hi. Linggawp aa lau ding sang in lungnop na kasung ah ong dim zaw in kei bek ka hih lam ka kiphawk hi. Tuazawh ni tawm no khit ciang in Zeisu ka mangmat hi. Ama thu ngaihsun in ka om aa ka ih mu kik thei nawn kei aa, Pasian thu tampi ka ki kum uh hi. Zeisu in ka nuntak na ong deih ahih lam Pastor pa in ong thei sak hi.

Khristian te ngei na le tatzia te ka sintheih nang in Zeisu kiang thu ka ngen hi. Khiristian te upna in a maute bang te bang in upna guan hiam? cih ka thei nuam lua hi. Bangmah theih nei lo kahih man in akipat na pan kasin hi. Amah tawh a tawntung aa nuntak khawm theih na ding in hih leitung ah vantung leh leitung a bawl pa ong paisuk ong nung ta in eite mawh na hang in ong sih nate ka sin ciang in lamdang kasa hi. Tua bang te kaza ngei kei hi. Abei sa ka mawh nate ka ngaihsun aa ka mawh nate ong maisak nang in Zeisu kiang ah thum thei in, Ama kiang ah ong sang kik ahih man in ka lungdam mahmah hi. Piangsak pa Pasian tung ah amasa pen in thu ka ngen aa ka theih ngei loh lungnop na ka sin sung ah kidim hi.

Up na hawm sawn

Bangci bang in ka innkuan pih te kiang ah ka up na hawnsawn ding cih ka thei cian kei hi. Tua ahih man in bang mah kagen masa kei hi. Asawt loin bang mah gen ding nei lo ka hih lam ka kiphawk hi. Ka nuntak na ki khel ahih na mu uh aa, lungnop na ka mai ah tang in ka kampau na ah zong ki lang hi. Zudawn nawn lo ka hih lam ong thei uh aa , a dang gamtat hoih lo teng zong paai khia khin ka hihlam mu uh hi. Lamdang kasak khat ah ka innkuan pih te in kei ong panpih tek uh hi. Ka ki tuiphum na ah ong pai uh aa Pasian sung ah a thak upna ka neih na hang in kei tawh lungdam khawm uh hi. Ka lawm ka gual in zong ka ki lamdan nate mu in a koi cidan hiam? ci in ong dong uh hi. Anung ta Pasian Zeisu tawh ka kimuh nate kagen aa, Ama ong piak letsong ahi Gupkhiat na man ngen lo in ka san lam ka gen hi.

Tu in Khristian ahilo siahuai na anei mite in ka nuntak na ii ki lamdan nate, a dah kap innkuan te in ong thei ta uh hi. Mipawl khat te in zong ong thei ta uh aa, “bang in ong ki lamdang sak hiam? “ci in ong dong uh hi. Khristian khat ka hih na thu ka gen aa Pasian in kei lungnop na ong pia hi ci in ka gen hi. Midang te in ka up na ong dot ciang in hoih tak ka gen theih nang in laisiang tho ka sim beh hi. Nisim aa ka muh adah kap te innkuan bangci bang in tha pia ding cih ahoih zaw in ka theih nang in ka sin hi.

May 9 : Sum Sang Aman Pha Zaw

Lai at : Ruth le Diana ( Japan pan )

Ecuador pan Ruth in Japan gam ah alawmpa Ecuadorian minam pau tawh 2004 kum in ong lal uh hi. A lal ma in Seventh day Adventist pawl pi ah va hawh in pawlpi mite thu siam na le Pastor pan in mite deidan nei lo aa asep zia te a mu hi. “ Ki Do Na Lian Pi” DVD khui , Pastor Luis goncalus in mangmuh na thu bu tung tawn a ki bawl khat a ngah hi. Ahih hang in koih cip a hih man in a sawt lo in ong mang ngilh hi. Tua khit zawh a sawt lo in Ruth le a lawm pa Japan lal in tua ah setzung ah nasem uh hi. A nasep na ah a senpy mah mah hang in Ruth in a nuntak na ah a ki sam khat a om dan in ngaih sun hi. Nikhat ni Adventist pawlpi mite laihawm khat mu hi. Ruth in Ecuador aa Adventist lawm te phawk kha kik in tua nu aleng la ding in Ruth in sam hi.

Thuman muh khiatna

Biakinn ah Ruth in Brazil mi a lawmnu Diana tawh ki muh ding lunggulh mah mah hi. Diana in Ruth laisingtho thuhilh cian na nei aa, Ruth in pom thei ding in tuat pah hi. Anih un a ki muh uh ciang Diana in “ Ki Do Na Lian Pi “ DVD khui pen a lawmnu piak ding in leisak hi. Ruth in DVD en in Diana tawh laisiangtho thuman sin khawm uh hi.

Ruth in ni 7 ni nipi in Pasian ni siangtho ni ahih lam thei hi. Thakhat thu in nipi ni nasep khempeuh pai khia hi. “ Ahai na hia? “ ci ‘n a nasep pih numei nu in gen hi. Sabbath ni sum tam ngah zaw hilo na hiam? Sabbath ni sum tam pi ngah in na pawlpi pia lo ding na hiam? ci in a lawm nu in gen hi. Ruth in “Sum sang in amanpha zaw thuman om hi” ci in dawng hi. Nipi nisim Sabbath sang pai aa thu thaksin aa, thukham sawm cih te le Pasian in tua te bang ci at cih thuman lam pi kithei hi . Tua te a thupi vive hi. Asawt lo in Ruth in a nuntak na bup ki ap aa ki tuiphum ding in khen satta hi. A lawm te in a upna tha a kin bawl luat lam amuh uh ciang in Ruth lang bawl uh hi. “ A mah a ki khel tak pi hi bang mah cih nawn kei ni “ ci in a lawm te pawl khat in gen hi. A siapa in amah maipha pia in Sabbath ni khempeuh bangmah sawl lo hi.

A nuntak na ah ki khel na tampi ong piang hi. “ ka ngaih sut na ka gamtat zia midang tawh ka ki zopzia ki khel mang ing “ ci in Ruth in gen hi. Ka ki tuiphum ma in ka lungtang khauh in tun ahih leh hehpih na le deih sak na ka nei ta hi.

Helio in zong khia

Ruth in American pan Japan ah a lal mi tampi lak pan khat ahihi. Helio zong a phazaw nuntak na a zong pa khat ahihi. Ama’n a ma tang thu a nuai aa bang in ong hawm khia hi. Japan mi milim biak na anei ka pa in Brazil ah lal hi. Ka nu’n ahih le Japan mi R.C biak na a nei thu um mi khat in a pattah a hihi. Ka pa in damding lunggulh lua in Khristian te ong pai aa ong veh ding uh nial lo hi. Nisim in ka pa in thungen den hi. Ka pa in khut bulh nai bawl siam na nei in tua tawh nasep neu khat nei hi. Ka pa in ong nusiat ciang in ken a ma nasep ka luah to hi. Ka pa in thakhat thu in ong nusia ahih man in thuak hak kasa mah mah aa tua aa kipan laisiang tho sim ka ki pan aa John 14 : 6 “ Kei in lampi, thuman le nuntak na ka hihi. Kei tungtawn lo in kua mah in Pa kiang tung lo ding hi” cih ka sim den hi. Nuntak na haksa lua ahih man in kum 26 ka phak ciang in Japan ka pai hi. Kei aa ding in na khempeuh sia semsem hi. Ka nung suk na in sum tampi bei inka ki bawl hang nop tuam lo hi. Kum 3 ki teng sa ka zi tawh ka ki khen hi.

Athak mai nawt na

Ka nasep na ah Adventist thu um mi Silvio ong tun dong ngim na nei lo in ka om hi. Silvio in Accident tuak in natna tam pi a thuak hang in ciamnuih siam ahih man in tua in ka lungsim ong la mahmah hi. Silvio ii lungsim puak zia ka pakta mah mah aa ka natna te ka thuak siam tuam hi. Kei pen Japan minam te biak na ngei na ahi “ Maikari “ a kici te lak ah ka lut hi. Ko vantung leinuai a uk pasian le leitung bup a uk a van pasian om hi ci in ka um uh hi. Nisim in hih pasian te mai ah ka kun kawm in John 14 : 6 ka phawk a Zeisu Topa om na mun ka ngaihsun hi.

Kha tawmcik khit ciang in Silvio in biakinn ah ki khawm ding in kei ong zol hi. Lawm hoih lawm ta ka suak uh aa Zeisu in ka nuntak na ong khel thei a hih lam ong gen hi. Silvio ii tetti pan na hang in Adventist te ii thu a zai zaw in ka thei nuam hi. Biakinn manman in ka pai aa Pastor pa tawh laisiangtho ka sin uh hi. A sawt lo in ka ki tuiphum hi.

South America pan Japan gam aa alal mi tampi te Japan gam ah nasem in om uh hi. Tu kuata Sabbath 13 na sumpi tawh Japan gam ah Pasian thu tangko nang ding innpi lam na ding in kizek ding hi.

May 2: KhauhTak Aa Ding Tang

Lai at : Boldroo ( Mongolia pan )

Laivuan pi hungel na a et kawm in Boldro a awm khau tawh ki gak bang keei hi. Laivuan pi Sabbath ni phi kul ahih lam mu hi. University pan buaih alak theih na ding nasia tak in hanciam aa, sang sap te apiak zawh na ding in sang kah kum, kum lang bup nasem in pia a , Sabbath ni lo, nidang khat in lai aphi theih nang in siate kiang ah hehpih na ngen hi. Tentan sinpawi naita in, gualzawh na ii nopsak na tawh a lungtang van ah leng khawm ding in a phal hun tung ding hita hi. A sawt loin buaih ngah ding hita.. ahih hang laiphi ding hun gel na a et ciang in Sabbath ni phikul ahih man in a gil khut tum tawh kitum zah in thuak haksa hi.

Thumna KiNial

“ Ken bang cih ding ka hiam? Ci in Boldroo in tua nitak in alawm Coral dong hi. “ Sabbath ni laiphi ding nial a a philo Pasian thupha sang naupang te thu lah kaza aa, Sabbath ni laiphi lo aa, buaih ngah lo sang naupang te thu zong ka thei hi. “Director pa kiang ah pai in thu va ki kum ni” ci in Carol in a cian pia hi. Director pa in vai khat peuh ong hawmsak kha ding hi ci hi. Azing ciang in Bodrol leh Coral in Director pa zum ah pai uh hi. Director pa mai puak amuh ciang Bodrol lung hi mawh san hi. “ Bang hang in lai phi na ding hun gel na laih ding in hong ngen na hiam?” nalawm temah bang in laiphi hun in phi suk in, tun ka zum pan pai khia in ci in hap mang hi.

Director pa zum pan in apai khiat kawm un Carol in “ Pasian in nang aa ding in gel na nei hi” ci in Bodroo huau sim hi. Boldroo zong a lu kun in ahih hang in Pasian deih na bang hi diam? Cih ngaih sut zolo hi. Bang bang piang ta leh Sabbath ni in lai philoh ding in Boldroo khen sat hi.

Nisau pen ni

Sabbath ni in alawm te University ah laiphi ding in apai laitak in Boldro biakinn ah pai hi. A lungsim takpi tawh biakpiak ding baih het lo ahih hang in, alawm te in laiphi ding asang khan ah lut zia khawng angaih sut na pan gam lapi ah hem khia hi. Pasian kamciam ahi “ Note kong nusia ngei kei ding hi” (Heb 13: 5) cih a lungsim pan simkhia in, a lungsim Pasian kiang lam ngat in pia hi.

Nipi nitak lam inn zuan in a ciah laitak phone ong ging aa” Na lai phi ding dot na laidal te in nang ong ngak hi” ci in zum lai at nu in gen hi. Boldroo in numei nu tung lungdam ko in phone khia hi. Boldroo zong alungsim sung ah thungen kawm sa in University sangpi ah laiphi ding nawn sa tak in pai hi.

Na Pasian in lian hi

Boldroo laivuan na hall alut ma in khua mial ta hi. Sang naupang te laivuan na min tuan na ah a sign thu in a Thesis ( alai bawl) committee te kiang ah ap in ngak in om hi. Sang naupang pawlkhat te in bang hang in laiphi ding sawt pi tak ngak na hiam? Ci in dong uh aa, Sabbath atan nop na le a Pasian up nate hawm sawn hi. A lai phah ( thesis) ki et sak pak thei lo in ih mut san kha hi. Zan kim ciang amah ki sam aa laiphi na khan ah lut hi. Siate dot nate dawng ding in laiphah ding te phah hi. Asia nu in Thesis ( lai phah ) tawh kisai dong lo in a up na dong hi. Nitak nai 8:00 dong laivuan kiman zolo cih pen akhat veina hi. Laiphi theih na ding aa ong vai hawm sakna Pasian alian Pasian khat hi ngel ding hi” ci in gen hi. Boldroo in zong a sia te tung ah a up na gen hi. Siate zong gim pipi in ama thugen te lung lut sa in ngai uh hi.

Laivuan pi aphi ki suang in Boldroo ong hi. A khanpih lawm te pawl khat in Boldroo ki khop na biakinn ah ki khawmnuam in kun hi. Ama up na a picing zaw in thei nuam hi.

Ama tangthu gen na

Boldroo in apilsin na zawh nang aa, abuai nate hamsat na a thuak te phawk den hi. Midang te in Sabbath tung ah thuman na leh a up nate uh agen thu te a zak ciang in amah zong nui hiuhiau hi. Tu in amah gen ding tangthu nei ta aa, apai na khempeuh ah gen kawikawi hi.

Mongolia gam Pasian nasep na I panpih kawm in nong piak khiat man un lungdam ong ko ingh.

April 25: A ZeKai VanTung Mi

Lai at : Jagana (Mongolia pan )

Adventist Biakinn sungah a tutna ngei ah Jagana tu suk hi. Khatvei Pasian bia aa kikhop na in amah lungnop na guan hi. Ahih hang in University ah sang akah sung in Pasian tawh ki zopna nei lo hi. Pasian it na nei lai veve aa, up na zong nei lai hi. Ahih hang in Zeisu pahtawi nuntak zia tawh ki gam la ta ahih lam kiphawk hi. Kei lo in ka pawlpi khangto lo ding hi ci in ka ngaih sunkha hi. Ka lunggulh, ka it, ka khen lah khempeuh ka nusiat kul ding hi.

Sangah Jagana in lai hanciam in mat hoih ngah ahih man in 4.00 tawh buaih ngah zo ding in ki lamen hi. Buaih angah theih na ding manlah in hanciam lua ahihman in Pasian tawh kizop ding zong mansuah ahih lam kiphawk hi. Zeisu tawh aki muh cil hunte ngaihsun hi. Adventist khangno pawlkhat te tawh manglai sin khawm uh hi. Apa te in amah Khristian suak ahih lam thei lo uh aa ,thei leh deih het lo ding uh ahih lam thei hi. A nuntak na ah nadang khempeuh sang in Zeisu in man ong nei zaw ta hi.

University a tun ciang in gualzawh nop na lungsim in ama it a lawmpa kiang pan kai khia in dam tak in Pasian tawh ki gamla tektek hi. Biakpiak nate a ngei lel dan in nei ta hi. Sabbath ni biakinn sung ah atut kawm in, “tuni bel biakinn ka pai a tawp na niding hi “ ci in ngaih sun hi. Zuau pipi a nun tak sang in biakinn pan aa pai khiat mah hoih zaw hi ci in ngaih sun hi. Ahih hang in Pasian in Jagana aa ding in gel na nei hi.

Khamtawh kibawl vantung mi

Tua nitak in aphone ong ging in “Jagana nang aa ding in thu manpha khat nei ing “ ci in Pastor Joshua te innkuan ii awging in amah vut hi. “ Nang pen kham vantung mite ( Golden Angels)” phuaih ah akihel ding in ong kitel khin zo hi ci in gen hi. Jagana in lamdang sa lua hi. “Golden Angels “ lasa phuaihte lasak a zak cil aa kipan hih Adventist khangno lasa te lak ah kihel nuam hi. Amaute in Asia gam sung teng pai kawikawi in kum khat sung Pasian na sem uh hi.

“ Hi thei ken teh Pastor pa aw kei buaih la ding hita ingh, kum khat sung sang kah kei leng ka huh na sumh ding” ci in ahih theih loh nading teng gen samsam hi. Lasak zong siam lo kahih man Golden Angels ten zong ong deih kenteh Pastor pa aw lungdam ingh” ci in Mangpha khak in aphone tawi khia hi. Khalam ah a si ahih lamgen khia lo hi. Pastor Joshua in tua zawh a sawt lo in khatvei Golden Angels lasa te tawh ki zop ding in phone set leu leu hi. “ Hi thei ken teh” ci in dawng kik hi. Pastor pa in Jagana kiang ah hithei kenteh cih gen nawn kei in nai 24 sung thungen in “ci in vaikhak hi. Jagana in thunget ding thukim aa, ahih hang “ Golden Angels” lasa siam te tawh ki zop theih loh nang ahang teng lotngah sa in akampan ci khia ziahziah hi.

Ki hah siang

A kamciam bang in Pasian tung ah thungen hi. “Topa aw nang a siam Pasian na khempeuh athei hiteh, bangci dan in Golden Angels lasa te lak ah kihel ding ong tel na hiam? Ahi zong in kei ong deih taktak na hih leh …………. Lim ( na lamdang ) ong lak in” ci in thungen hi. Anu le apa in , sang a a Professor te in ahuh na sumh aa, buaih ngah lo ding ahih teh, phal vet lo ding leh, a heh phial ding in ngaihsun hi. Tavuan dan khat aa anu te pate sam in hih thupuak a gen leh a nu in a pa phone pia aa , a pa in na sangsia te dong inla, ong phal leh Ok ci in dawng ahih man in apa dawn na lamdang sa hi. Atan 4 lai aa a sianu bang Khristian khat hi in, ahih hang amah kumkhat sang kah lo aa, lasak ding pen phal het lo ding hi cih Jagana in um hi. Sang ah a khat na la aa gualzawh na ngawng awh a lading in a siapa in lamen lua hi. “ Golden Angels” te tawh ki thuah a lasak ding vai kum khat sung a gen leh a siapa in “ Congratulation” ong lungdam pih ing pai in “ ci in phal mawk hi.

Jagana zong tua nitak Pasotr Joshua in phone tawh amah ahopih ding ngak in om hi. Pastor pa kiang a gen ding lawp mahmah hi. Pasian in Ama nasem ding aa deih ahih lam tel taktak thei ta hi. Pasian inkei hong it lai, ong deih lai hi ei” ci in nuam mah mah hi.

Lungnuam tak a Pasian nasep na

Jagana in Golden Angels lasa phuaih te tawh ki zom hi. Lasak zia tentan kah ngei lo ahih man in hamsat nate lasin na ah phul kha hi. Ama hih theih na sang in akam sang zaw in Pasian huh ding hi cih up na nei hi. Lasa phuaih te tawh nasem khawm in, Jagana in Pasian in Golden Angel kei ong bang ci zat aa, a ma up na kip sak hiam cih mu toto hi.

Mongolia aa Pasian thugen na pan in anu in anun tak na Pasian tung ap hi. “ Pasian in kei hong it in cikmah hun in ong nusia ngeilo ahih na ong lak hi. Ama kiang pan taikhia ding aa ka ki thawi sim in Ama’n kei ong zong kik ahih man ka ci mul tho hi ci in gen hi. Jagana in sang man ta in Mongolia gam a amasa bel Adventist Elementary sang ah laihilh hi.

Mongolia I cih pen akhangmoi lai Mission khat ahi hi. Tuma kum 20 lai in mi tawm cik thu um in ki tuiphum uh hi. Tu kuata I sumpi in Mongolia Adventist sang ah laibu saal ( library) lam na ding in kizek ding hi. Lungdam.

April 18: Laisuan a Tawi Mipa

Lai at : Song Sung Sub (South Korea pan)

Song Sung Sub in leitung bup ah mi tam pen pen na mun leitaw lam Korea gam ii khuapi Seoul ah teng hi. Ama’n Seventh –day Adventist pawlpi ii Northern Asia Pacific Division ah thuzek pi (Secretary) ahuh na sep sem hi. Mihon pi lak ah tung in na a sep kawm in Mangmuh na 14 sung a vantung mi 3 tangko na hih mite kiang bang ci puak ding ka hiam cih Sung Sub in ngaih sun den hi.

“Mite in thuman amuh ding uh ka ut hi. Kagel nate tungtawn in amau te in thakhat thu in vantung mi 3 te thupuak laigil ahi “ Sabbath ” thuman amuh ding uh ka vei hi “ ci in Sung Sub in gen hi.

Bawltawm theih na leh hangsan na

Asawt loin phuah siam theih na le hangsan ngam na lungsim aman ong ngah hi. Sung Sub in laimal tangkona a suang ( Advertising Company) company te tawh ki zom in ”Sabbath ni =Sani ni = Ni 7 na ni” ci in tangko na laisuan dalpi bawl sak in tua laimal gol nuai ah laimal neu zaw in a thu a kicing in at sak hi. Pasian thugen nasep zia angaih sut kawm in alungsim sung ah laisiang tho thu nam 2 ong dawk hi. (1) Jonah khuapi lianpi Nineveh khua sung ah pai kawikawi in ki sik kik ding thu a puak na leh (2) Itazilah minam te , Jericho kulh gei ah dai tak a lamsiau aa tetti pan nate ngaih sun in “Sabbath tangko na dial, lai suan te tawi in mihon lak ah pai pih kawi kawi leng, a muibun peen leh a sep thanop huai Sabbath thuman tangko na hi ding hi”, ci in gen hi.

Lamdang sak huai ki muh khopna

Nasep na pai na lampi te leh paak huan pai na lampi te ah Sung Sub in Sabbath tangko na dial pi silh in keng kawikawi hi. Mihon pi te in a dial khai tung aa, laisuan kintak le ngaih tak in sim sak uh hi. Akim apam ah mite ki khawm in Sung Sub in hih pen “athupi thupuak hi aa, thuman na sittel na hi hih thupuak ki zelh na ding lam tampi om aa, hih in kei zat zia khat hi”, ci in Sung Sub in gen hi.

Sabbath dial asilh cil in mite kiang pan ahoih lo thuh kik na angah khak ding lau hi. Sung Sub a lung patau pian hi a upmawh bang lo in mite in lunglut uh hi. Nikhat ni lamdawt tawn kawm in Sabbath dial pi khai in ka pai leh mikhat in ka nung ong zui hi. Atawp na ah tua mipa in kei kiang ong pai in, “Hih in thuman thu tak hi cih ka thei hi”ci in gen hi. “Sabbath Nipi a tang hih kim nai ah pawlpi om hiam? Hun dang khat Sabbath nitak lam Sabbath dial khai tawh Sung Sub park huan lam apai le nupa kop khat tawh ki tuak in “ Oh nang pen Seventh- day Adventist pawlpi hi ngel niteh biakinn ah ka kikhop loh uh sawt lua biakinn koi ah om hiam? Biakinn a zong hi ung “ ci in gen uh hi.

Gamtat kipuah phat na phul khak na

Khat vei vei mite in tua dial khai pai pih kawi kawi nasep lel tawh bang ci ki vak aa, nung ta ding na hiam? Ci in ong dong uhi. Sung Sub in kei thahat na tawh hih dial khaipi ka pua zo kei hi. Hih thupi thupuak ka puak zawh kawi kawi na ding in gamtat hoih ka ki sam hi. Ka lungsim zong nop na tawh ka kidim kul hi.Thu ka ngen ngen aa lung nop na ka ngah in, kha siangtho vang liat na tawh ka kidim hi. Pasian vantung mite in ka gei ah lamsiau in om uh hi. Gamtat luhek khempeuh a ki khel lo ka hih lam ka thei hi.

Elder pa in ka sep zia hoih sa in “ Kei zong Pasian thu tang ko zia namdang khat tawh sep sawm ing”ci in gen hi. Elder pa in a lian zaw tangko na khat nei a lai bu hawm na tawh tangko hi. Mi tampi in ama sepzia lung lut uh hi.

“Ka lungdam mahmah hi. Tuu mangthang te ka zong hi. Kei sep zia pen “ Khat vei lian et na tawh a tawntung thu puak alungsim sung uh ah teng cip ding cih thu hi.”ci in Sung Sub in gen hi. A kician aa athei nuam te laibu ka hawm khia hi. Hih pen ka gel na kasep zia hi. Bang teng piang ding cih kuan thei hiam?

April 11 : Suahtak Na Lam Ah Khual Zin Na

Lai at : Ana (North Korea pan)

Sai khan kong khak tung a kawlong ging lengleng Ana in za vanki zuak sai neu khat sung a lut suk Sen nupi nu amuh nang in dak to in a en hi. Nupi nu in zong Ana nuih san in sai kim teng en kawi kawi kawm sa in nisim nasep ding vai teng a kam tawh pau in gen hi. Palik ten za le buai na apiang thei thu te gen sam lo hi. Ana le anule apa te lei lulam Korea gam le Sen gamgi ah teng uh hi. Mite sang in thu thei zaw ahih man in hih nupi nu pen kumpi te thukan te khat hi ding hi. Ana in thusim za hi. Mi khat in mi pawl khat thu zawh in kum pi te kiang ah khia aa a kiman mite thu te za uh hi. Veng a om U ham innkuan te leh veng inn a te zong aki mat khak ding lau hi. Mi khat zong muan ding omlo hi.

Mrs. Lee ii letsong

Sai ah ong pai nupi nu in amah le amah Mrs. Lee hi ing Sen gam pan ong pai hi ing ci in ong ki pulak in lung dam maitai tak in van a lei kawm in Ana mangpha khak ta hi. Mrs. Lee sai ah ong pai kik pah pah hi. Amah a tawntung in nuih mai in kamkhum tak in a pau hi. Nikhat ni Mrs. Lee in a van leiteng sum pia kawm sa in , Ana mai ah ip neu khat koih hi. Nuih mai sa in ip lamen in a lukun hi. Ana in ip sung a et leh kizep na pawl khat North Korea ah a om lo a mu hi. Dot nop na mai puak tawh Ana in Mrs. Lee en hi. Hih letsong sang ding ka hi hiam? Ci in ngaih sun hi. Hih van in thang kaam ahi tam? Mrs. Lee in Ana lam ah tua ip neu sawn phei in van zuak na sai lam ah pai san hi.

Thunget na

Mrs. Lee in tua bang in ahawh sim in Pasian tung ah thungen hi. Ana in Pasian thu tawh kisai theih nei lo hi. Nikhat ni, Mrs. Lee in Ana thunget na laidal neu khat tung ah at in pia hi. Na innkuan pih te kiang hawmsawn in cih gen sim khian khian hi. Tua nitak, Ana in tua laidal neu a nu lak in a nu in thuk tak in sim in lunglut hi. Mrs. Lee piak thunget dan in a nu thunget kipan in athu nget nop te behlap in ngen hi. Ana ii sanggam pa galkap sung tum in inn ah aciah loh kum 8 phata hi. Tua zawh kha khat khit teh kong khak gei ah galkap nih ding in kong khak kiu a Ana nu in hon hi. Thakhat thu in kigaih in lau hi. Galkap khat pa atapa ahih lam phawk hi. A tawp na ah atapa inn ong ciah na hi hi. Ana in Mrs.Lee kiang ah thupiang teng gen hi. Mrs. Lee in nuih san in Ana khut sung ah laidal neu khat guang hi. “Sengam nong hawh leh kei ong sam in” ci in huau sim hi.

Suakta

Lei lulam Korea (North Korea) gam pan tai khiat ding in Ana in khen sat hi. Amau gam pan atai khia te ki man kik in thong ki khia ahih kei leh ki that ahih lam zong thei hi. Ahih hang in alungtang sung ah suahtaknop na lungsim lian lua in si nuam lo hi. Sengam gi leh Korea gam gi kikal acing galkap ten golh guk ne in mite sengam ah paisak sim zel ahih lam zong thei hi. Nikhat ni gamgi ah apai leh acing galkap khat bek omin lungsim maantak in , “Gamgi ka kantan nang in bang cih ding ka hiam? “ci in va dong hi. “Sen sum 100 ong pia le teh kan thei niteh” ci in dawng hi . Galkap pa in a ciah kik ding teh sen sum 100 apiak ding in lim tak vai khak hi.

Ana in a gel nate kuama kiang gen lo hi. Sengam a thukpi pek ah pai in a phone ken apuan ip pan lakhia in Mrs. Lee sam hi. Mrs. Lee lawm nu Tapidaw Mrs. Chee tawh om khawm hi. North Korea numei no khat kep cih pen ama aa ding in lau huai hi. Ahih hang in Mrs. Chee in Ana sel kawm kawm sa in a up nate hawm sawn hi. Ana in Zeisu Pasian ahih lam tel ta in a ma Honpa leh Gumpa in sang ta hi. Ahih hang in a Tapidaw khualzin na a zop kul lai hi. Nisim in ki mat ki hen ding lau kawm sa mah in Sengam ah om hi.

Inn thak

Tua zawh kha 6 khit ciang in Ana in leitaw lam Korea gam ah lut in, gal bang aa a ngaihsut gam ah Adventist pawlpi mite tawh ki mu hi. Ana athak nun tak na ngah in nuam sa mahmah hi. Bawlsiat na pan suak ta in Zeisu aa ding Zeisu it na ahawm khia ding in suah tak na ngah ta hi.

North Korea ah Adventist mi bangzah om cih kuamah in thei lo aa, South Korea aa om Adventist te in North Korea gam aa asanggam te kiang ah Pasian thu gen theih nang hun leh nite ong pian khiat theih nang in Pasian tung ah thu ngen uh hi.

April 4 : Pancake Moh Bawl PawlPi

Lai at: Mrs Shein ( South Korea gam pan)

Sabbath ni zingsang khat, kum 10 gual apha numei no khat lupna khan ah ki khak khum in a sungah kap hi. Ata nu ii lupna khan kong khak dam tak in kiu in Mrs. Shein in “Bang khialh na om hiam?” ci in a tanu dong hi. Kammal awging kician mel lopi in “ Kei dah lua ing” ci in dawng hi. Nipi ni nop kei lua biakinn pai nuam keng ci in a tanu in dawng hi. Kei tawh ki tuak ding ka lawm ka gual ding zong om kei ci in dawng hi. Mrs. Shein in kumtam 15 apha a tanu Bowah in nipi ni nuamsa het lo ahih lam phawk hi. Kaal khat sung tawntung Bowah in a gamla sang ah alawm te tawh om khawm in ahih hang in inn a ciah kik ciang in amah bek pawlpi ah om hi.

Tuma pek sawt pi laipek pan in Mrs. Shein in selna aneih mahbang in Nule a tanu in thungen khawm uh hi. Nipi kal zingsang sim in thobaih in Korea cake moh 2000 bawl hi. Mrs. Shein in tua amoh bawl te tan sawm sang lam ah kantan in va zuak ta hi. Sun tawntung Mrs. Shein in a gilkial sangnaupang temoh zuak hi. Tua bek tham lo in amau te tawh ki lawm tat na ong nei ta hi. Sangnaupang te in Mrs. Shein ii vei na te tel ta uh hi. Nupi kician mi muanhuai ahih lam ong thei ta uh aa sangnaupang te in zong maingap in ong muang ta uh hi. Sang naupang te in sang ah hamsat na tampi nei uh aa pawl khat te innkuan tap na pan ong pai in pawl khat te ki bawlsia in amau le amau nung ta uh hi.

Akan sang zaw in

Sangnaupang te muan na ngah khin ahih man in Mrs. Shein in zong tua sang a, a thuk zaw a amuan nang un hanciam hi. “No, Sabbath ni, nitak lam bang hih nai vua “ ci in sangnaupang te kiang dong hi. “Bang mah hih kei ung ee” ci in sangnaupang te in dawng kik hi. Pitek Putek te kiang va hawh in thava pia ni nong zui uh diam? Ci in dong hi. Tua ma pek in Mrs. Shein in Hausa te kiang ah pitek te min le aom na uh na dong khin hi. Sabbath ni nitak lam in Mrs. Shein te nupa Bowah le sangnaupang te tawh uham te kiang va leng la uh hi. Mrs. Shein in sangnaupang te a inn ah sam in an vak in sangnaupang te in zong inn bang in nuam sa in sungtum pusuak uh hi. Bowah zong lawm tampi neita ahih man in nuam pha diak hi.

Mrs. Shein in sang naupang te an bek pia lo in thunget zia le tapidaw late leh laisiangtho thu te hilh hi. Kaal khat sung moh bek zuak lo in , sangnaupang te inn ah hawh in amau le amau anung te an va pia hi. A haksat luat uh ciang in a inn ah ciah pih in a don hi. Sabbath nitak ki khop na ah mi ong tam tektek in kita nawn lo hi. Mrs. Shein in Electric van ki zuak na sai gei ah ki khawm uh a, a veng te un adeih loh dong uh biak piak na nei uh hi. Pasian in a thunget na uh sang in asawt lo in sangnaupang tampi a kep zawh nang un inn khan lian pi ah ki khin uh hi.

Pancake moh hang aa a ki phut pawlpi

A sawt lo in Inn kikhop na inn in khang to in biakinn khat phuh theih ding dong in khangto hi. Seventh day pawlpi tazavuan aphuh ding in gel ta uhhi. Biak inn aa kizang thei ding a lamzawh nang, inn khat angah zawh na ding in Mrs. Shein in nasia tak in thungen hi. Nikhat ni Mrs. Shein in mauten na dung ah innpi khat zuak ding aa ki tangko khat mu kha hi. Pasian kiang ah a thunget Topa in dawng in US $5000 sum ngah in tua inn lui leizo uh hi. A vek un ki pumkhat in tua inn lui ong puah uh aa, kikhop theih ding dong tun uh hi. Tu’n pawlpi kem sia kisam uh hi.

Mrs. Shein ata nu Bowah le akep uh naupang 3 te in Korea Soul gei a, Adventist sangpi ahi Sahmyook University ah ki ap in sang kah uh a laisiang tho sang ong man ta uh hi. 1998 pan a akipat uh pawlpi pen tu in mi 400 val ki tuiphum uh a, khangno te in Pasian thugen na 39 vei nei khin uh hi. Combodia, huh ahi NEWSTART thu khun te mi tampi tel theih ding in ka huh hi. Mite inn ah pai in cidam na thu tawh kisai dot nate ka dawng hi. Laisiang tho a sin nuam te zong ka sin sak hi. Kei pen sum lalo aa aki pum piak nasem nu ka hihi. Ka ngah pen mite nuntak na ki khel na ding in Pasian in kei ong zat lungnop na pen kei kha sum hi.

Sunday, April 5, 2015

MN-2015

Kuata Nihna-2015

Kuata Masa

Thursday, April 2, 2015

KizopNang

Khambawi
66+871980545 (Thaigam)
95+949602290 (Kawlgam)

khambawi7@gmail.com
zomisabbathschoollesson@gmail.com

Thailand Address:
9/109, Maesot Villa Soi 3/3
Maesot, Tak, Thailand
63110